Open Innovation (Innovación Aberta) vén a contrapor o modelo que imperou durante case todo o século XX, no que as empresas mantiñan unha actitude pechada no que se refire a Investigación e Desenvolvemento, non existindo fluxo de información entre empresas, clientes e outros.
Open Innovation apunta un camiño que se adapta mellor ao século XXI, onde a globalización e a competitividade imperan.
As empresas pasan a colaborar en rede con distintos axentes (investigadores, empresas, institucións, clientes, fornecedores), poidendo usar e comercializar as súas propias tecnoloxías e innovacións, pero tamén licenciar a súa tecnoloxía a terceiros ou incluso capitalizar innovacións xeradas externamente.
Así, é posible aproveitar I+D de terceiros e redireccionar os recursos internos para a selección e implementación dos conceptos.
Construir un modelo de negocio axeitado tórnase máis importante que chegar primeiro ao mercado, o que importa é dar un uso eficiente ás ideas internas e externas.
